తెలుగు తల్లికి జేజేలు.....వెలుగు వెల్లువకు జోహార్లు... మా తెలుగు తల్లికి జేజేలు ( ప్రైవేటు గీతం)

సాకీ :
కడలి అంచులు దాటి
కదిలింది తెలుగు
ఎదలలోతులు మీటి ఎగిసింది తెలుగు... ఆ...

పల్లవి :

ఆ తెలుగు తల్లికి జేజేలు
ఆ వెలుగు వెల్లువకు జోహార్లు...
మా తెలుగు తల్లికి జేజేలు
ఆ వెలుగు వెల్లువకు జోహార్లు
మా తెలుగు తల్లికి జేజేలు

చరణం : 1
ఏ భాష చెణుకైన ఏయాస చినుకైన
తనలోన కలుపుకుని తరలింది తెలుగు
॥భాష॥
ఒదిగొదిగి పోతన్న ఒరవళ్లలో సాగి (2)
హుమ్మంటు వేమనగ ఉరిమింది తెలుగు (2)
॥తెలుగు॥
సగమ గమ సగమ గమ గమప మప గమప మప

చరణం : 2
అభినయానికి హృదయమర్పించుకుని
కూచిపూడియే నాడిగా ఆడింది తెలుగు
॥
సంగీతమే జీవ సంపుటిగ... ఆ...
సంగీతమే జీవ సంపుటిగ త్యాగయ్య
ప్రతిపదములో కరిగి పాడింది తెలుగు (2)
॥తెలుగు॥

చరణం : 3
స్వాతంత్య్ర సమరాన స్వచ్ఛంద గతులీన
ఉగ్రనేత్రం తెరిచి ఉరికింది తెలుగు
॥
శాంతికి కపోతమై క్రాంతి జలపాతమై (2)
నిత్య వర్థిష్ణువై నిలిచింది తెలుగు (2)
॥తెలుగు॥


ప్రైవేటు గీతం : మా తెలుగు తల్లికి జేజేలు
సంగీతం : సాలూరి వాసూరావు
రచన : డా॥సి.నారాయాణరెడ్డి
గానం : ఎస్.పి.బాలసుబ్రహ్మణ్యం, బృందం