నువ్వు నా ముందుంటే.. నిన్నలా చూస్తుంటే.... గూఢచారి 116 (1966)

నువ్వు నా ముందుంటే.. నిన్నలా చూస్తుంటే..
జివ్వుమంటుంది మనసు.. రివ్వుమంటుంది వయసు..

ముద్దబంతిలా ఉన్నావు.. ముద్దులొలికిపోతున్నావు..
జింక పిల్లలా చెంగు చెంగుమని చిలిపి సైగలే చేసేవు..

నువ్వు నా ముందుంటే.. నిన్నలా చూస్తుంటే..
జివ్వుమంటుంది మనసు.. రివ్వుమంటుంది వయసు..

చల్లచల్లగ రగిలించేవు.. మెల్లమెల్లగ పెనవేసేవు..
బుగ్గపైన కొనగోట మీటి నా సిగ్గు దొంతరలు దోచేవు..

నువ్వు నా ముందుంటే.. నిన్నలా చూస్తుంటే..
జివ్వుమంటుంది మనసు.. రివ్వుమంటుంది వయసు..

లేత లేతగా నవ్వేవు.. లేని కోరికలు రువ్వేవు..
మాటలల్లి మరుమందు జల్లి నను మత్తులోన పడవేసేవు..

నువ్వు నా ముందుంటే.. నిన్నలా చూస్తుంటే..
జివ్వుమంటుంది మనసు.. రివ్వుమంటుంది వయసు..


చిత్రం : గూఢచారి 116 (1966)
సంగీతం : టి. చలపతి రావు
రచన  : డా. సి. నారాయణ రెడ్డి

గానం : ఘంటసాల, పి. సుశీల
*****************************************************
Movie Name : Goodhachari 116 (1966)
Music Director : T.Chalapathi Rao
Lyricist : C. Narayana Reddy
Singers : Ghantasal, P.Susheela

నిన్ను చూడనీ నన్ను పాడనీ ......... మనుషులు మమతలు (1965)

నిన్ను చూడనీ నన్ను పాడనీ
ఇలావుండిపోనీ నీ చెంతనే...
నిన్ను చూడనీ

ఈ కనులు నీకే ఈ కురులు నీకే
నా తనువులోని అణువు అణువు నీకే
ఈ కనులు నీకే ఈ కురులు నీకే
నా తనువులోని అణువు అణువు నీకే
ఇలావుండిపోనీ నీ దాసినై...

నిన్ను చూడనీ నన్ను పాడనీ
నిన్ను చూడనీ

నీవులేని నేను ఇంక బ్రతకలేను
ఎన్నడైనగాని నిన్ను విడువలేను
నీవులేని నేను ఇంక బ్రతకలేను
ఎన్నడైనగాని నిన్ను విడువలేను
ఇలారాలిపోనీ నీ కోసమే....

నిన్ను చూడనీ నన్ను పాడనీ
ఇలావుండిపోనీ నీ చెంతనే...
నిన్ను చూడనీ


చిత్రం : మనుషులు మమతలు (1965)
సంగీతం: టి.చలపతి రావు
రచన : దాశరథి
గానం : పి.సుశీల
*******************************************
Movie Name : Manushulu Mamathalu  (1965)
Music Director : T.Chalapathi Rao
Lyricist : Dasarathi
Singer : P.Susheela

బాలరాజు బంగారు సామి.. ఏ తల్లి కన్నదో రాజా నిన్ను .... ఎదురీత (1977)

పల్లవి:
హే...ఏ..ఏ.. హత్తరికీ
యేహే..ఆహో..ఒహో.. యేహే..అహ..ఒహో..

హే...ఏ..ఏ.. హత్తరికీ
బాలరాజు బంగారు సామి.. థద్ధినక..హ్హ..థినక
బాలరాజు బంగారు సామి.. ఏ తల్లి కన్నదో రాజా నిన్ను
బాలరాజు బంగారు సామి.. ఏ తల్లి కన్నదో రాజా నిన్ను

ఓహో..ఓహో..ఓ..ఓ..ఓ.ఓహో..ఓహో..ఓహో..ఓ..ఓ.

చరణం 1:
మూ..మూ..ఊ..ఊ
ఆత్మీయమైన మీ అభిమానమునకు..ఆనందమున మేను పరవశించినదీ

మీ అండయే నాకు కొండంత బలమూ..ఊ..ఊ
మరచిపోలేను..ఓ..ఓ మీ అనురాగము..ఊ..ఊ
హే..ఏ..ఏ..అత్తెరికి
నీవు నడిచే బాట మల్లె పూతోట..
ఆహ..ఆహ..ఆ..ఆ
నీ మాటయే మాకు ముత్యాల మూట
ఒహో..ఒహో..హో..ఓ..

నీవు నడిచే బాట మల్లె పూతోట..
నీ మాటయే మాకు ముత్యాల మూట
ప్రజాసేవకే పుట్టావయ్యా
పదిమందికి బిక్ష పెట్టావయ్యా..
బాలరాజు బంగారు సామి.. థద్ధినక..హ్హ..థినక

చరణం 2:
మూ..మూ..ఊ..ఊ..ఊ
కరిగితే పసిడికీ...కాంతీ వస్తుందీ..ఈ..ఈ..ఈ
త్యాగమే మనిషికి విలువ తెస్తుందీ..ఈ..ఈ...ఎ
నే కన్న కలలన్నీ నిజమాయే నేడు
ఫలితమ్ము రాకుండా ఎవరాపలేరు..ఊ ఊ

హే..ఏ..ఏ.. హత్తెరికి
మంచికి నీవు మారుపేరయ్య
ఆహ..ఆహ..ఆ.ఆ
మనుషుల్లోన దేవుడవయ్యా..
ఒహో..ఒహో..ఆ..ఆ

మంచికి నీవు మారుపేరయ్య
మనుషుల్లోన దేవుడవయ్యా..
ఊరికొక్కడు నీబోటి వాడుంటే..
దేశమెన్నడో సౌభాగ్యమయ్యేది
బాల రాజు బంగారు సామి..
బాలరాజు బంగారు సామి.. థద్ధినక..హ్హ..థినక


చిత్రం : ఎదురీత (1977)
సంగీతం : టి.చలపతిరావు
రచన  : వేటూరి
గానం: S.P.బాలు, S.జానకి

జో లాలి జో లాలి లాలి నా చిట్టి తల్లి ....... ధర్మదాత (1970)

జో లాలి జో లాలి లాలి నా చిట్టి తల్లి లాలి నను గన్న తల్లి
జో లాలి జో లాలి లాలి నా చిట్టి తల్లి లాలి నను గన్న తల్లి
లాలి బంగారు తల్లి లాలి నా కల్పవల్లి

జో లాలి

చిరు నవ్వు కిరణాలు చిందించు మోము
కన్నీరు మున్నీరుగా చూడలేను
చిరు నవ్వు కిరణాలు చిందించు మోము
కన్నీరు మున్నీరుగా చూడలేను
నిను గన్న నీ తల్లి కనుమూసె గాని
నిను గన్న నీ తల్లి కనుమూసె గాని
నిను వీడి క్షణమైన నేనుండ గలనా
నిను వీడి క్షణమైన నేనుండ గలనా

జో లాలి

రతనాల భవనాల నిన్నుంచలేను
ముత్యాల ఉయ్యాలలూగించలేను
రతనాల భవనాల నిన్నుంచలేను
ముత్యాల ఉయ్యాలలూగించలేను
కనుపాపల నిన్ను కాపాడు కోనా
కనుపాపల నిన్ను కాపాడు కోనా
నిరుపేద ఒడిలోన నిను దాచుకోనా
నిరుపేద ఒడిలోన నిను దాచుకోనా

జో లాలి


చిత్రం : ధర్మదాత (1970)
సంగీతం : టి.చలపతి రావు
రచన : సి.నారాయణ రెడ్డి (సినారె)
గానం : ఘంటసాల
**************************************************
Movie Name : Dharmadatha (1970)
Music Director : T.Chalapathi Rao
Lyricist : C. Narayana Reddy
Singer : Ghantasala

అడిగిందానికి చెప్పి ఎదురాడక ప్రశ్నను విప్పి..... ఇల్లరికం (1959 )

అడిగిందానికి చెప్పి ఎదురాడక ప్రశ్నను విప్పి
నిల్చెదవా గెల్చెదవా ఓహో చిన్నదానా

అడిగిందానికి చెపుతా ఎంతైనా పందెం గడతా
నిల్చెదనోయ్ గెల్చెదనోయ్ ఓహో చిన్నవాడా

ఒంటికాలిపై నుండి హఠ యోగ ముద్రలో నుండి (2)
గుట్టుగ తన పని సాధించునది వివరిస్తావా ఏదది

(అడిగిందానికి చెప్పి...)

ముక్కు మూరెడే యౌను అది కొక్కుకు మని గొణిగేను (2)
కొంగ జపమని ప్రసిద్ధియేను ముందుకు వచ్చి కాదను

(అడిగిందానికి చెపుతా...)

వాయువేగమును మించి లోకాలన్ని గాలించి (2)
గడియలోననే ఉన్న చోటికే వడిగా చేరేదేదది

(అడిగిందానికి చెప్పి...)

రాకెట్టని అనుకోను అది స్పూట్నిక్ అనలేను (2)
ముమ్మాటికి అది మనసేను ముందుకు వచ్చి కాదను

అడిగిందానికి చెపుతా..

దానమిచ్చి చెడెనెవ్వడు
కర్ణుడు
కర్ణుడు
తప్పు తప్పు బలి చక్రవర్తి
హె బలి చక్రవర్తి

జూదానికి నిపుణుండెవ్వడు
ధర్మజుడు
ధర్మజుడు
తప్పు తప్పు శకుని
హె శకుని

అన్నదమ్ముల పోరాటంలో సందు జూచుకొని కూల్చిందెవడు
భీముడు
భీముడు
తప్పు తప్పు రాముడు
హె రాముడు శ్రీ రాముడు శ్రీ రాముడు........

చిత్రం : ఇల్లరికం (1959 )

సంగీతం : టి.చలపతి రావు

రచన : కొసరాజు 

గానం : ఘంటసాల , పి.సుశీల
******************************************
Movie Name : Illarikam (1959)
Music Director : T.Chalapathi Rao
Lyricist : Kosaraju
Singers : Ghantasala, P.Susheela

ఎక్కడి దొంగలు అక్కడనే గప్ చుప్...... ఇల్లరికం (1959 )

ఎక్కడి దొంగలు అక్కడనే గప్ చుప్
ఎవరే పిలిచారు నిన్నెవరే పిలిచారు
ఎక్కది దొంగలు అక్కడనే గప్ చుప్ //ఎవరె //

చాటుగా కనుచాటుగా చూడకే ఇటు చూడకె
పొదలలో పూపొదలలో పొంచినా గాలించినా //2//
కనులకు నే కనిపించనులే.. //ఎక్కడి //

నీడలో దోబూచిగా ఆడకే తారాడాకే
నీటిలో కోనేటిలో చూడకే వెదుకాడకే ..//2//
దాగుడు మూతలు చాలునులే ... // ఎక్కడి //

వెదికినా నే దొరకనే పిలిచినా నే పలుకనే
హృదయమే నా కొసగినా ఎదుటనే కనిపింతునే.. //2//
ఎన్నటికీ నిను వీడనులే ... //ఎక్కడి //


చిత్రం : ఇల్లరికం (1959 )
సంగీతం : టి.చలపతి రావు
రచన : శ్రీశ్రీ
గానం : ఘంటసాల
(ఇది మహమ్మద్ రఫీ పాడిన "తుమ్‌సా నహీ దేఖా"కు అనుకరణ)

నిలువవే వాలు కనులదానా...వయ్యారి హంస నడకదానా.. ఇల్లరికం (1959)

పల్లవి :
నిలువవే వాలు కనులదానా
వయ్యారి హంస నడకదానా
నీ నడకలో హొయలున్నదేచాన
నువు కులుకుతు గల గల నడుస్తు ఉంటే
నిలువదె నా మనసు
ఓ లలనా అది నీకే తెలుసు
నిలువవే వాలు కనులదానా
వయ్యారి హంస నడకదానా
నీ నడకలో హొయలున్నదే చాన

చరణం : 1
ఎవరని ఎంచుకొనినావో...
పరుడని భ్రాంతి పడినావో...
ఎవరని ఎంచుకొనినావో... భ్రాంతి పడినావో...
సిగ్గుపడి తొలగేవో
విరహాగ్నిలో నను తోసి పోయేవో
నువు కులుకుతు గల గల నడుస్తు ఉంటే
నిలువదె నా మనసు
ఓ లలనా అది నీకే తెలుసు

చరణం : 2
ఒకసారి నన్ను చూడరాదా...
చెంతజేరా సమయమిదికాదా...
ఒకసారి నన్ను చూడరాదా... సమయమిదికాదా...
చాలు నీ మర్యాదా
వగలాడి నే నీవాడనే కాదా
నువు కులుకుతు గల గల నడుస్తు ఉంటే
నిలువదె నా మనసు
ఓ లలనా అది నీకే తెలుసు

చరణం : 3
మగడంటే మోజులేనిదానా...
మనసుంటే నీకు నేను లేనా
మగడంటే మోజులేనిదానా... నీకు నేను లేనా...
కోపమా నా పైనా
నీ నోటి మాటకే నోచుకోలే నా
నిలువవే వాలు కనులదానా
వయ్యారి హంస నడకదానా
నీ నడకలో హొయలున్నదే చాన
నువు కులుకుతు గల గల నడుస్తు ఉంటే
నిలువదె నా మనసు
ఓ లలనా... ఓ చెలియా... ఓ మగువా... అది నీకే తెలుసు

చిత్రం : ఇల్లరికం (1959)
రచన : కొసరాజు
సంగీతం : టి.చలపతిరావు
గానం : ఘంటసాల

భలేచాన్సులే ..భలేచాన్సులే... లలలాం లలలాం లక్కీఛాన్సులే .. ఇల్లరికం (1959)

పల్లవి :
భలేఛాన్స్... భలేచాన్సులే...
భలేచాన్సులే భలేచాన్సులే
లలలాం లలలాం లక్కీఛాన్సులే
భలేచాన్సులే...
ఇల్లరికంలో ఉన్న మజా...
ఇల్లరికంలో ఉన్న మజా అది అనుభవించితే తెలియునులే
భలేచాన్సులే...

చరణం : 1
అత్తమామలకు ఒక్క కూతురౌ అదృష్టయోగం పడితే
అత్తమామలకు ఒక్క కూతురౌ అదృష్టయోగం పడితే
బావమరదులే లేకుంటే ఇంటల్లుడిదేలే అధికారం
భలేచాన్సులే...

చరణం : 2
గంజిపోసినా అమృతంలాగా కమ్మగ ఉందనుకుంటే
బహుకమ్మగ ఉందనుకుంటే
చీ ఛా చీ ఛా అన్నా చిరాకు పడక
దులపరించుకు పోయేవాడికి భలేచాన్సులే
ఇల్లరికంలో ఉన్న మజా...
ఇల్లరికంలో ఉన్న మజా అది అనుభవించితే తెలియునులే
భలేచాన్సులే...
భలేచాన్సులే భలేచాన్సులే
లలలాం లలలాం లక్కీఛాన్సులే
భలేచాన్సులే...
ఇల్లరికంలో ఉన్న మజా...
ఇల్లరికంలో ఉన్న మజా అది అనుభవించితే తెలియునులే
భలేచాన్సులే...

చరణం : 3
జుట్టు పట్టుకొని బయటికీడ్చినా చూరు పట్టుకొని వేలాడీ
జుట్టు పట్టుకొని బయటికీడ్చినా చూరు పట్టుకొని వేలాడీ
దూషణ భూషణ తిరస్కారములు ఆశీస్సులుగా తలచేవాడికి...
భలేచాన్సులే...

చరణం : 4
అణిగీ మణిగీ ఉన్నామంటే అంతా మనకే చిక్కేది
అణిగీ మణిగీ ఉన్నామంటే అంతా మనకే చిక్కేది
మామలోభియై కూడబెట్టితే మనకే కాదా దక్కేది
అది మనకే కాదా దక్కేది
ఇహ మనకే కాదా దక్కేది
అది మనకే ఇహ మనకే
అది మనకే మనకే మనకే మనకే మ మ మ మనకే


చిత్రం : ఇల్లరికం (1959)
రచన : కొసరాజు
సంగీతం : టి.చలపతిరావు
గానం : మాధవపెద్ది సత్యం

చేతులు కలిసిన చప్పట్లూ... మనసులు కలిసిన ముచ్చట్లు.. ఇల్లరికం (1959)

పల్లవి:
చేతులు కలిసిన చప్పట్లూ
మనసులు కలిసిన ముచ్చట్లు
చేతులు కలిసిన చప్పట్లూ
మనసులు కలిసిన ముచ్చట్లు

ఇద్దరి మధ్య పొందిక ఉంటే
రానే రావు పొరపాట్లు
రానే రావు పొరపాట్లు

చేతులు కలిసిన చప్పట్లూ
మనసులు కలిసిన ముచ్చట్లు

చరణం 1:
పాలూ తేనె కలిసిన మాదిరి
ఆలు మగలు ఉండాలి
ఓహోహో ఒహోహ్ హొఓహో
ఓహోహో ఒహోహో హొహో
పాలూ తేనె కలిసిన మాదిరి
ఆలు మగలు ఉండాలి

గువ్వల జంట కులికే రీతిగ
నవ్వుల పంట పండాలీ..
నవ్వుల పంట పండాలీ

చేతులు కలిసిన చప్పట్లూ
మనసులు కలిసిన ముచ్చట్లు
చేతులు కలిసిన చప్పట్లూ
మనసులు కలిసిన ముచ్చట్లు

ఓహొహో ఓహో హొహో
ఓహొహో ఓహో హొహో
ఓహొహో ఓహో హొహో
ఓహొహో ఓహో హొహో

చరణం 2:
కొత్త కుండలో నీరు తియ్యన
కోరిన మగవాడే తియ్యన
కొత్త కుండలో నీరు తియ్యన
కోరిన మగవాడే తియ్యన

కొత్త కాపురం చక్కని వరము
కోరిక తీరు రయ్ రయ్యన

చేతులు కలిసిన చప్పట్లూ
మనసులు కలిసిన ముచ్చట్లు
చేతులు కలిసిన చప్పట్లూ
మనసులు కలిసిన ముచ్చట్లు

చరణం 3:
వన్నెల చిన్నెల వలపు తోటలో
పూల బాటలే వెయ్యాలి
ఓహొహో ఓహో హొహో
ఓహొహో ఓహో హొహో
వన్నెల చిన్నెల వలపు తోటలో
పూల బాటలే వెయ్యాలి

అన్యోన్యంగా దంపతులెపుడు
కన్నుల పండుగ చేయాలీ
కన్నుల పండుగ చేయాలీ

చేతులు కలిసిన చప్పట్లూ
మనసులు కలిసిన ముచ్చట్లు
చేతులు కలిసిన చప్పట్లూ
మనసులు కలిసిన ముచ్చట్లు

ఇద్దరి మధ్య పొందిక ఉంటే
రానే రావు పొరపాట్లు
రానే రావు పొరపాట్లు

చేతులు కలిసిన చప్పట్లూ
మనసులు కలిసిన ముచ్చట్లు
చేతులు కలిసిన చప్పట్లూ
మనసులు కలిసిన ముచ్చట్లు
చేతులు కలిసిన చప్పట్లూ
మనసులు కలిసిన ముచ్చట్లు


చిత్రం : ఇల్లరికం (1959)
సంగీతం: టి. చలపతిరావు
రచన : కొసరాజు
గానం: ఘంటసాల, మాధవపెద్ది సత్యం, సుశీల

చిగురేసే మొగ్గేసే సొగసంత పుతపూసే ...... ఆలుమగలు (1977 )

పల్లవి:
చిగురేసే మొగ్గేసే  సొగసంత పుతపూసే..
చెయ్యైన వెయ్యవేమి ఓ బాబూదొర
చెయ్యైన వెయ్యవేమి ఓ బాబూదొర
ఉయ్యాలలూపవేమీ ఈ..ఈ..ఈ..

చిగురేసే మొగ్గేసే సొగసంత పుతపూసే ఇవ్వాలని లేదా ఏమి
ఆ సొగసంతా ఇవ్వాలని లేదా ఏమి ఓ సిరిపాప..
ఎన్నాళ్ళు దాస్తావేమీ.. ఈ.. ఈ..

చరణం 1:
ముట్టుకుంటే ఉలికిపడతావ్ .. పట్టుకుంటే జారిపోతావ్
ముట్టుకుంటే..ఏ..ఏ.. ఉలికిపడతావ్... పట్టుకుంటే జారిపోతావ్..

నీ చూపుల్లో వుంది సూదంటూ రాయి
అది లాగుతుంటే ఒళ్ళంతా హాయి...

చిగురేసేమొగ్గేసే సొగసంత పుతపూసే చెయ్యైన వెయ్యవేమి ఓ బాబూదొర
చెయ్యైన వెయ్యవేమి ఓ బాబూదొర ఉయ్యాలలూపవేమీ ఈ..ఈ..ఈ..

చరణం 2:
చేరుకుంటే ఊరుకుంటావ్.. వల్లకుంటే గిల్లుతుంటావ్...
చేరుకుంటే..ఈ..ఈ ఊరుకుంటావ్.. వల్లకుంటే...ఏ..ఈ గిల్లుతుంటావ్..

నీ చేతుల్లో వుందీ చెకుముకిరాయీ..
అది రాసుకుంటే చురుకైన హాయి..

చిగురేసే మొగ్గేసే సొగసంత పుతపూసే ఇవ్వాలని లేదా ఏమి
ఆ సొగసంతా ఇవ్వాలని లేదా ఏమి ఓ సిరిపాప..
ఎన్నాళ్ళు దాస్తావేమీ.. ఈ.. ఈ..

చరణం 3:
నిన్ను కట్టుకోవాలని మనసౌతాది... చేయి పట్టుకోవాలంటే గుబులౌతాది..
నిన్ను కట్టుకోవాలని మనసౌతాది... చేయి పట్టుకోవాలంటే గుబులౌతాది..

గుబులెందుకుకింకా గారాల చిలకా..
ఎగిరెగిరి పోదాము నెలవంక దాక...


చిత్రం : ఆలుమగలు (1977 )
సంగీతం : టి.చలపతిరావు
రచన : వేటూరి
గానం: బాలు, సుశీల

మది తుళ్ళి తుళ్ళి తుళ్ళి ఎగిరింది ... ఊహ ఉలికి ఉలికి పడుతుంది .... ఆడపడుచు (1967)

పల్లవి :
మది తుళ్ళి తుళ్ళి తుళ్ళి ఎగిరింది
ఊహ ఉలికి ఉలికి పడుతుంది
సిగ్గు చెవిలోన గుస గుస లాడింది

మది తుళ్ళి తుళ్ళి తుళ్ళి ఎగిరింది
ఊహ ఉలికి ఉలికి పడుతుంది
సిగ్గు చెవిలోన గుస గుస లాడింది

చరణం 1:
పెళ్ళి చూపుల్లో ఏదో వెరపు
వెళ్ళి పోయాక ఒకటే తలపు
పెళ్ళి చూపుల్లో ఏదో వెరపు
వెళ్ళి పోయాక ఒకటే తలపు

రెండు నిమిషాలలో కోటి పులకింతలై
రెండు నిమిషాలలో కోటి పులకింతలై
నిండు మదిలోన నెలకొంది తన రూపు

మది తుళ్ళి తుళ్ళి తుళ్ళి ఎగిరింది
ఊహ ఉలికి ఉలికి పడుతుంది
సిగ్గు చెవిలోన గుస గుస లాడింది

చరణం 2:
ఏల అదిరింది నా ఎడమ కన్ను
ఏల తన పేరు ఊరించె నన్ను
ఏల అదిరింది నా ఎడమ కన్ను
ఏల తన పేరు ఊరించే నన్ను

వలపు ఉయ్యాల పై పూల జంపాల పై
వలపు ఉయ్యాల పై పూల జంపాల పై
ఆశ ఆకాశ వీధుల్లో ఊగింది

మది తుళ్ళి తుళ్ళి తుళ్ళి ఎగిరింది
ఊహ ఉలికి ఉలికి పడుతుంది
సిగ్గు చెవిలోన గుస గుస లాడింది

చరణం 3:
ఇంత సంతోషమిపుడే కలిగే
ఇంక రాబోవు సుఖమెంతో కలదు
ఇంత సంతోషమిపుడే కలిగే
ఇంక రాబోవు సుఖమెంతో కలదు

పగటి కలలన్నియు పసిడి గనులైనచో
పగటి కలలన్నియు పసిడి గనులైనచో
పట్టలేదోమో నా మూగ మనసు

మది తుళ్ళి తుళ్ళి తుళ్లి ఎగిరింది
ఊహ ఉలికి ఉలికి పడుతుంది
సిగ్గు చెవిలోన గుస గుస లాడింది..


చిత్రం : ఆడపడుచు (1967)
సంగీతం : టి. చలపతిరావు
రచన : సి.నారాయణ రెడ్డి
గానం : పి.సుశీల
*********************************************
Movie Name : Aadapaduchu (1967)
Music Director : T.Chalapathi Rao
Lyricist : C Narayana Reddy
Singer : P.Susheela