నిలువవే వాలు కనులదానా...వయ్యారి హంస నడకదానా.. ఇల్లరికం (1959)

పల్లవి :
నిలువవే వాలు కనులదానా
వయ్యారి హంస నడకదానా
నీ నడకలో హొయలున్నదేచాన
నువు కులుకుతు గల గల నడుస్తు ఉంటే
నిలువదె నా మనసు
ఓ లలనా అది నీకే తెలుసు
నిలువవే వాలు కనులదానా
వయ్యారి హంస నడకదానా
నీ నడకలో హొయలున్నదే చాన

చరణం : 1
ఎవరని ఎంచుకొనినావో...
పరుడని భ్రాంతి పడినావో...
ఎవరని ఎంచుకొనినావో... భ్రాంతి పడినావో...
సిగ్గుపడి తొలగేవో
విరహాగ్నిలో నను తోసి పోయేవో
నువు కులుకుతు గల గల నడుస్తు ఉంటే
నిలువదె నా మనసు
ఓ లలనా అది నీకే తెలుసు

చరణం : 2
ఒకసారి నన్ను చూడరాదా...
చెంతజేరా సమయమిదికాదా...
ఒకసారి నన్ను చూడరాదా... సమయమిదికాదా...
చాలు నీ మర్యాదా
వగలాడి నే నీవాడనే కాదా
నువు కులుకుతు గల గల నడుస్తు ఉంటే
నిలువదె నా మనసు
ఓ లలనా అది నీకే తెలుసు

చరణం : 3
మగడంటే మోజులేనిదానా...
మనసుంటే నీకు నేను లేనా
మగడంటే మోజులేనిదానా... నీకు నేను లేనా...
కోపమా నా పైనా
నీ నోటి మాటకే నోచుకోలే నా
నిలువవే వాలు కనులదానా
వయ్యారి హంస నడకదానా
నీ నడకలో హొయలున్నదే చాన
నువు కులుకుతు గల గల నడుస్తు ఉంటే
నిలువదె నా మనసు
ఓ లలనా... ఓ చెలియా... ఓ మగువా... అది నీకే తెలుసు

చిత్రం : ఇల్లరికం (1959)
రచన : కొసరాజు
సంగీతం : టి.చలపతిరావు
గానం : ఘంటసాల

భలేచాన్సులే ..భలేచాన్సులే... లలలాం లలలాం లక్కీఛాన్సులే .. ఇల్లరికం (1959)

పల్లవి :
భలేఛాన్స్... భలేచాన్సులే...
భలేచాన్సులే భలేచాన్సులే
లలలాం లలలాం లక్కీఛాన్సులే
భలేచాన్సులే...
ఇల్లరికంలో ఉన్న మజా...
ఇల్లరికంలో ఉన్న మజా అది అనుభవించితే తెలియునులే
భలేచాన్సులే...

చరణం : 1
అత్తమామలకు ఒక్క కూతురౌ అదృష్టయోగం పడితే
అత్తమామలకు ఒక్క కూతురౌ అదృష్టయోగం పడితే
బావమరదులే లేకుంటే ఇంటల్లుడిదేలే అధికారం
భలేచాన్సులే...

చరణం : 2
గంజిపోసినా అమృతంలాగా కమ్మగ ఉందనుకుంటే
బహుకమ్మగ ఉందనుకుంటే
చీ ఛా చీ ఛా అన్నా చిరాకు పడక
దులపరించుకు పోయేవాడికి భలేచాన్సులే
ఇల్లరికంలో ఉన్న మజా...
ఇల్లరికంలో ఉన్న మజా అది అనుభవించితే తెలియునులే
భలేచాన్సులే...
భలేచాన్సులే భలేచాన్సులే
లలలాం లలలాం లక్కీఛాన్సులే
భలేచాన్సులే...
ఇల్లరికంలో ఉన్న మజా...
ఇల్లరికంలో ఉన్న మజా అది అనుభవించితే తెలియునులే
భలేచాన్సులే...

చరణం : 3
జుట్టు పట్టుకొని బయటికీడ్చినా చూరు పట్టుకొని వేలాడీ
జుట్టు పట్టుకొని బయటికీడ్చినా చూరు పట్టుకొని వేలాడీ
దూషణ భూషణ తిరస్కారములు ఆశీస్సులుగా తలచేవాడికి...
భలేచాన్సులే...

చరణం : 4
అణిగీ మణిగీ ఉన్నామంటే అంతా మనకే చిక్కేది
అణిగీ మణిగీ ఉన్నామంటే అంతా మనకే చిక్కేది
మామలోభియై కూడబెట్టితే మనకే కాదా దక్కేది
అది మనకే కాదా దక్కేది
ఇహ మనకే కాదా దక్కేది
అది మనకే ఇహ మనకే
అది మనకే మనకే మనకే మనకే మ మ మ మనకే


చిత్రం : ఇల్లరికం (1959)
రచన : కొసరాజు
సంగీతం : టి.చలపతిరావు
గానం : మాధవపెద్ది సత్యం

చేతులు కలిసిన చప్పట్లూ... మనసులు కలిసిన ముచ్చట్లు.. ఇల్లరికం (1959)

పల్లవి:
చేతులు కలిసిన చప్పట్లూ
మనసులు కలిసిన ముచ్చట్లు
చేతులు కలిసిన చప్పట్లూ
మనసులు కలిసిన ముచ్చట్లు

ఇద్దరి మధ్య పొందిక ఉంటే
రానే రావు పొరపాట్లు
రానే రావు పొరపాట్లు

చేతులు కలిసిన చప్పట్లూ
మనసులు కలిసిన ముచ్చట్లు

చరణం 1:
పాలూ తేనె కలిసిన మాదిరి
ఆలు మగలు ఉండాలి
ఓహోహో ఒహోహ్ హొఓహో
ఓహోహో ఒహోహో హొహో
పాలూ తేనె కలిసిన మాదిరి
ఆలు మగలు ఉండాలి

గువ్వల జంట కులికే రీతిగ
నవ్వుల పంట పండాలీ..
నవ్వుల పంట పండాలీ

చేతులు కలిసిన చప్పట్లూ
మనసులు కలిసిన ముచ్చట్లు
చేతులు కలిసిన చప్పట్లూ
మనసులు కలిసిన ముచ్చట్లు

ఓహొహో ఓహో హొహో
ఓహొహో ఓహో హొహో
ఓహొహో ఓహో హొహో
ఓహొహో ఓహో హొహో

చరణం 2:
కొత్త కుండలో నీరు తియ్యన
కోరిన మగవాడే తియ్యన
కొత్త కుండలో నీరు తియ్యన
కోరిన మగవాడే తియ్యన

కొత్త కాపురం చక్కని వరము
కోరిక తీరు రయ్ రయ్యన

చేతులు కలిసిన చప్పట్లూ
మనసులు కలిసిన ముచ్చట్లు
చేతులు కలిసిన చప్పట్లూ
మనసులు కలిసిన ముచ్చట్లు

చరణం 3:
వన్నెల చిన్నెల వలపు తోటలో
పూల బాటలే వెయ్యాలి
ఓహొహో ఓహో హొహో
ఓహొహో ఓహో హొహో
వన్నెల చిన్నెల వలపు తోటలో
పూల బాటలే వెయ్యాలి

అన్యోన్యంగా దంపతులెపుడు
కన్నుల పండుగ చేయాలీ
కన్నుల పండుగ చేయాలీ

చేతులు కలిసిన చప్పట్లూ
మనసులు కలిసిన ముచ్చట్లు
చేతులు కలిసిన చప్పట్లూ
మనసులు కలిసిన ముచ్చట్లు

ఇద్దరి మధ్య పొందిక ఉంటే
రానే రావు పొరపాట్లు
రానే రావు పొరపాట్లు

చేతులు కలిసిన చప్పట్లూ
మనసులు కలిసిన ముచ్చట్లు
చేతులు కలిసిన చప్పట్లూ
మనసులు కలిసిన ముచ్చట్లు
చేతులు కలిసిన చప్పట్లూ
మనసులు కలిసిన ముచ్చట్లు


చిత్రం : ఇల్లరికం (1959)
సంగీతం: టి. చలపతిరావు
రచన : కొసరాజు
గానం: ఘంటసాల, మాధవపెద్ది సత్యం, సుశీల

చీరగట్టి సింగారించి.. చింపితలకు చిక్కుదీసి ....... ఆత్మ బంధువు (1962)

పల్లవి:
చీరగట్టి సింగారించి.. చింపితలకు చిక్కుదీసి
చక్కదనముతో సవాలు జేసే చుక్కలాంటి చిన్నదానా..
చిన్నదానా.. హోయ్

చీరగట్టి సింగారించి.. చింపితలకు చిక్కుదీసి
చక్కదనముతో సవాలు జేసే చుక్కలాంటి చిన్నదానా..
చిన్నదానా.. హోయ్
చీరగట్టి సింగారించి.. చింపితలకు చిక్కుదీసి
చక్కదనముతో సవాలు జేసే చుక్కలాంటి చిన్నదానా..
చిన్నదానా.. హోయ్

చరణం 1:
ఒయ్యారము ఒలకబోసినావా.. వాలుచూపులతో గాలమ్ము వేసినావా
ఒయ్యారము ఒలకబోసినావా.. వాలుచూపులతో గాలమ్ము వేసినావా
పెళ్ళికొడుకును పట్టినావా .. పెళ్ళికొడుకును పట్టినావా ..
ఓసి కోడలుపిల్లా ఛాన్సు కొట్టినావా

చీరగట్టి సింగారించి.. చింపితలకు చిక్కుదీసి
చక్కదనముతో సవాలు జేసే చుక్కలాంటి చిన్నదానా.. చిన్నదానా.. హోయ్

చరణం 2:
చందమామవంటి భలే అందగాడు.. బాగ కన్నువేసి నిన్ను కోరుకున్నవాడు
చందమామవంటి భలే అందగాడు.. బాగ కన్నువేసి నిన్ను కోరుకున్నవాడు
నేనన్నమాట తప్పిపోదు ఇటు చూడు.. నేనన్నమాట తప్పిపోదు ఇటు చూడు
ఏడాది తిరగకుండ వచ్చు.. ఏడాది తిరగకుండ వచ్చు చిన్నవాడు

చీరగట్టి సింగారించి.. చింపితలకు చిక్కుదీసి
చక్కదనముతో సవాలు జేసే చుక్కలాంటి చిన్నదానా.. చిన్నదానా.. హోయ్

చరణం 3:
ముక్కుమీదే ఉంది నీకు కోపం..అబ్బో విసురుకుంటే కసురుకుంటే ఏమి లాభం
ముక్కుమీదే ఉంది నీకు కోపం..అబ్బో విసురుకుంటే కసురుకుంటే ఏమి లాభం
వలపు దాచావంటే పరితాపం .. వలపు దాచావంటే పరితాపం..
అది పైకి చెప్పుకుంటేనే ఉల్లాసం

చీరగట్టి సింగారించి.. చింపితలకు చిక్కుదీసి
చక్కదనముతో సవాలు జేసే చుక్కలాంటి చిన్నదానా.. చిన్నదానా.. హోయ్


చిత్రం : ఆత్మ బంధువు (1962)
సంగీతం : కె.వి. మహదేవన్
రచన : కొసరాజు
గానం : ఘంటసాల

దులపర బుల్లోడో దుమ్ము దులపర బుల్లోడా .... అంతస్తులు (1965)

పల్లవి:
దులపర బుల్లోడో హోయ్ హోయ్...
దులపర బుల్లోడో దుమ్ము దులపర బుల్లోడా
చిలిపి కళ్లతో షికార్లు కొట్టే
మలపు రాములను పిలక బట్టుకొని
వన్ టూ త్రీ చెప్పి.....

దులపర బుల్లోడో దుమ్ము దులపర బుల్లోడా
చిలిపి కళ్లతో షికార్లు కొట్టే
మలపు రాములను పిలక బట్టుకొని
దులపర బుల్లోడో హోయ్ హోయ్...

చరణం 1:
సిరిగల చుక్కల చీర కట్టుకొని ... జవాది కలిపిన బొట్టు పెట్టుకొని
సిరిగల చుక్కల చీర కట్టుకొని ... జవాది కలిపిన బొట్టు పెట్టుకొని
వరాల బొమ్మ.. ముద్దులగుమ్మ.. కాలేజీకి కదిలిందంటే
వెకిలివెకిలిగా.. వెర్రివెర్రిగా.. వెంటపడే రౌడీల పట్టుకొని...
ఊఁ పట్టుకొని .... ?
తళాంగు తథిగిణ తక తోం తోం అని
తళాంగు తథిగిణ తక తోం తోం అని

దులపర బుల్లోడో దుమ్ము దులపర బుల్లోడా
చిలిపి కళ్లతో షికార్లు కొట్టే
మలపు రాములను పిలక బట్టుకొని
దులపర బుల్లోడో హో హో హొయ్ హొయ్...

చరణం 2:
సాంప్రదాయమగు చక్కని పిల్ల ...సాయంకాలం సినిమాకొస్తే... వస్తే..
సాంప్రదాయమగు చక్కని పిల్ల ...సాయంకాలం సినిమాకొస్తే ...

ఇదే సమయమని.. ఇంతే చాలునని..
పక్క సీటులో బైఠాయించుకొని ..ఎట్టా !
చీకటి మరుగున.. చేతులు వేసే.. శిఖండిగాళ్లను ఒడిసి పట్టుకొని
చింతబరికెను చేత పట్టుకొని ... చింతబరికెను చేత పట్టుకొని

దులపర బుల్లోడో దుమ్ము దులపర బుల్లోడా
చిలిపి కళ్లతో షికార్లు కొట్టే
మలపు రాములను పిలక బట్టుకొని
దులపర బుల్లోడో హో హో హోయ్

రోడ్డు పట్టని కారులున్నవని ...మూడంతస్తుల మేడలున్నవని
రోడ్డు పట్టని కారులున్నవని ...మూడంతస్తుల మేడలున్నవని
డబ్బు చూచి ఎటువంటి ఆడది.. తప్పకుండా తమ వల్లో పడునని
ఈలలు వేసి.. సైగలు చేసే ..గోల చేయు సోగ్గాలను బట్టి
పట్టి... ?
వీపుకు బాగా సున్నం పెట్టి ...వీపుకు బాగా సున్నం పెట్టి

దులపర బుల్లోడో దుమ్ము దులపర బుల్లోడా
చిలిపి కళ్లతో షికార్లు కొట్టే
మలపు రాములను పిలక బట్టుకొని
దులపర బుల్లోడో హో హో హొయ్ హొయ్..

చరణం 3:
మాయమర్మం తెలియని చిన్నది ... మంగళగిరి తిరనాళ్లకు పోతే ..పోతే..
మాయమర్మం తెలియని చిన్నది ... మంగళగిరి తిరనాళ్లకు పోతే

జనం ఒత్తిడికి సతమతమౌతూ దిక్కుతోచక తికమక పడితే
అయ్యయ్యో !
సందు చూసుకొని.. సరసాలకు దిగు.. గ్రంధసాంగులను కాపు వేసుకొని
రమా రమణ గోవిందా...రమా రమణ గోవిందా.. హరి..

దులపర బుల్లోడో దుమ్ము దులపర బుల్లోడా
చిలిపి కళ్లతో షికార్లు కొట్టే
మలపు రాములను పిలక బట్టుకొని
దులపర బుల్లోడో హో హో హొయ్ హొయ్..


చిత్రం : అంతస్తులు (1965)
సంగీతం : కె.వి. మహదేవన్
రచన : కొసరాజు
గానం: భానుమతి