నీ మనసు నా మనసు ఏకమై ......... ఇదా లోకం (1973)

పల్లవి:
నీ మనసు నా మనసు ఏకమై
నీ నీడ అనురాగ లోకమై
ప్రతి జన్మలోన జతగానే ఉందాములే..ఏ ఏ ఏ
ఓ ఓ ఓ..హో..
ఆ ఆ ఆ నీ మనసు నా మనసు ఏకమై ఈ ఈ....

చరణం 1:
చలిగాలి తొలిమబ్బు పులకించి కలిసే
మనసైన చిరుజల్లు మనపైన కురిసే

దూరాన గగనాల తీరాలు మెరిసే
మదిలోన అతకోటి ఉదయాలు విరిసే

ఆ..ఆ..పరువాల బంగారు కిరణాలలో
ఆ..ఆ..కిరణాల జలతారు కెరటాలలో
నీవే నేనై ఉందాములే..
ఆ ఆ..ఓ ఓ..ఆ ఆ ఆ ఆ...

నీ మనసు నా మనసు ఏకమై...

చరణం 2:
ఆ..ఆ...ఏనోములో నిను నా చెంత నిలిపే
ఏ దైవమో నేడు నిను నన్ను కలిపే

నీ పొందులో ప్రేమ నిధులెన్నో దొరికే
నీతోనే నా పంచ ప్రాణాలు పలికే

ఈ..ఈ..జగమంత పగబూని ఎదిరించినా
ఆ..ఆ విధి ఎంత విషమించి వేధించినా
నీవే నేనై ఉందాములే ..
ఆ ఆ..ఓ ఓ..ఆ ఆ ఆ ఆ...

నీ మనసు నా మనసు ఏకమై
నీ నీడ అనురాగ లోకమై
ప్రతి జన్మలోన జతగానే ఉందాములే...


చిత్రం : ఇదా లోకం (1973)
సంగీతం : చక్రవర్తి
రచన : సి.నారాయణ రెడ్డి (సినారె)
గానం: V.రామకృష్ణ, P.సుశీల

******************************
Movie Name : Ida Lokam (1973)
Music Director : Chakravarthy
Lyricist : C.Narayana Reddy
Singers : V.Ramakrishna , P.Susheela