ఆనాటి హృదయాల ఆనందగీతం ఇదేలే ఇదేలే.... అన్నదమ్ముల అనుబంధం (1975)

పల్లవి:
ఆనాటి హృదయాల ఆనందగీతం ఇదేలే ఇదేలే
ఈనాడు నయనాల విరిసే వసంతం అదేలే అదేలే

ఆనాటి హృదయాల ఆనందగీతం ఇదేలే ఇదేలే
ఈనాడు నయనాల విరిసే వసంతం అదేలే అదేలే
ఆ పాట అధరాలపైన పలికేను ఏనాటికైనా...
ఆనాటి హృదయాల ఆనందగీతం ఇదేలే... ఇదేలే

చరణం 1:
ఏటేటా మన ఇంట ఈ పండగే జరగాలి
ఈ నిలయం కలకాలం శ్రీ నిలయమై నిలవాలి

ఏటేటా మన ఇంట ఈ పండగే జరగాలి
ఈ నిలయం కలకాలం శ్రీ నిలయమై నిలవాలి
వెలుతురైనా చీకటైనా విడిపోదు... ఈ అనుబంధం

చరణం 2:
తారకలే దిగివచ్చి తారంగం ఆడాలి
వెన్నెలలే ముంగిటిలో వేణువులై పాడాలి

తారకలే దిగివచ్చి తారంగం ఆడాలి
వెన్నెలలే ముంగిటిలో వేణువులై పాడాలి
ఆటలాగా.. పాటలాగా... సాగాలి మన జీవితం


చిత్రం : అన్నదమ్ముల అనుబంధం (1975)
సంగీతం : చక్రవర్తి
రచన : సి.నారాయణ రెడ్డి
గానం : ఎస్.పి.బాలు