ఝుమ్మంది నాదం సై అంది పాదం ...... సిరి సిరి మువ్వ (1978)

పల్లవి:
ఝుమ్మంది నాదం సై అంది పాదం
తనువూగింది ఈ వేళ చెలరేగింది ఒక రాసలీల
ఝుమ్మంది నాదం సై అంది పాదం
తనువూగింది ఈ వేళ చెలరేగింది ఒక రాసలీల

చరణం:
ఎదలోని సొదలా ఎలదేటి రొదలా
కదిలేటి నదిలా కలల వరదలా
ఎదలోని సొదలా ఎలదేటి రొదలా
కదిలేటి నదిలా కలల వరదలా
చలిత లలిత పద కలిత కవితలెద సరిగమ పలికించగా
స్వర మధురిమలొలికించగా
సిరి సిరి మువ్వలు పులకించగా

ఝుమ్మంది నాదం సై అంది పాదం
తనువూగింది ఈ వేళ చెలరేగింది ఒక రాసలీల

చరణం:
నటరాజ ప్రేయసి నటనాల ఊర్వశి
నటియించు నీవని తెలిసి
నటరాజ ప్రేయసి నటనాల ఊర్వశి
నటియించు నీవని తెలిసి
ఆకాశమై పొంగె ఆవేశం
కైలాసమే వంగె నీకోసం

ఝుమ్మంది నాదం సై అంది పాదం
తనువూగింది ఈ వేళ చెలరేగింది ఒక రాసలీల

చరణం:
మెరుపుంది నాలో అది నీ మేని విరుపు
ఉరుముంది నాలో అది మువ్వ పిలుపు
చినుకు చినుకులో చిందులయలతో
కురిసింది తొలకరి జల్లు
విరిసింది అందాల హరివిల్లు
ఈ పొంగులే ఏడు రంగులుగా

ఝుమ్మంది నాదం సై అంది పాదం
తనువూగింది ఈ వేళ చెలరేగింది ఒక రాసలీల


చిత్రం: సిరి సిరి మువ్వ (1978)
రచన: వేటూరి
సంగీతం: కే. వి. మహదేవన్
గానం: S.P.బాలు, P.సుశీల