చిన్నా! చిరుచిరునవ్వుల చిన్నా! ........... ప్రియరాగాలు (1997)

పల్లవి:
చిన్నా! చిరుచిరునవ్వుల చిన్నా!
కన్నా! చిట్టిపొట్టిచిందులు కన్నా!
నాతోనె దోబూచులాడాలనాఆ ఆటల్లొ నీకు నేను ఓడాలనా
చూశా కన్నా చూశా కన్నా చిన్నా

చరణం:
అటు చూడు అందాల రామచిలకని
చూస్తోంది నిన్నేదొ అడుగుదామని - నీ పలుకు తనకి నేర్పవా అని
ఇటు చూడు చిన్నారి లేడి పిల్లని
పడుతోంది లేస్తోంది ఎందుకో మరి - నీలాగ పరుగు చూపుదామని
కరిగిపోని నా తీపికలలని
తిరిగిరాని నా చిన్నతనముని - నీ రూపంలో చూస్తూ ఉన్నా
||చిన్నా||

చరణం:
తూనీగ నీలాగ ఎగరలేదురా
ఆ తువ్వాయి నీలాగ గెంతలేదురా - ఈ పరుగులింక ఎంతసేపురా
ఈ ఆట ఈ పూట ఇంక చాలురా
నా గారాల మారాజ కాస్త ఆగరా - నీ వెంట నేను సాగలేనురా
ఎంత వెదికినా దొరకనంతగా
ఎంత పిలిచినా పలకనంతగా - వెళిపోకమ్మా  రారా కన్నా
||చిన్నా||

చిత్రం : ప్రియరాగాలు (1997)

సంగీతం : ఎం.ఎం.కీరవాణి 

రచన : సిరివెన్నెల సీతారామ శాస్త్రి 

గానం : ఎస్.పి.బాల సుబ్రహ్మణ్యం , చిత్ర 

***********************************

Movie Name : Priyaragalu (1997)

Music Director : M.M.Keeravani

Lyricist : Sirivennela Sitarama Sastry

Singers : S.P.Bala Subramanyam , K.S.Chithra