ఊరికే ఉండదే ఉయ్యాల ఊగే మనసు
ఊహకే అందదే అసలేమయిందో నాకు || 2 ||
ఏనాడు ఏది అందవే అనుకుంటునేవున్నా
ఈనాడే ఏలా ఎదురై ఏదో అయిపోతున్నా
ఔననా కాదనా అతనేదో అన్నాడు
ఆగనా సాగనా అంటోంది నా ఈడు
.
చరణం : 1
రోజు అలవాటైనా తనకేసి చూడాలంటే
మరి ఈరోజేమో బిడియంగా ఉందమ్మా
ఇన్నాళ్ళు ఎప్పుడైనా ఈ సిగ్గులు తెలిసొచ్చేనా
తనచూపుల్లోనే ఏదో మాయుందమ్మా
అడుగుల అలికిడి వింటే ఎందుకు అలజడి అంటే
ఏం చెప్పేదమ్మా నిలువునా గిలిగింతలు రేపాడే
|| ఊరికే ||
.
చరణం : 2
ఛీ.. ఛీ.. పోవే పైటా నీకేమొచ్చిందీపూట
ఈ బరువంతా ఇన్నళ్ళేమయ్యిందంటా
ఏదో ఆరాటంగా ఎద కంగారవుతూ ఉంటే
ఇది హాయో కాదో చెప్పేవాళ్ళెవరంటా
తానే కనబడకుంటే ప్రాణం నిలబడదంటూ
ఒట్టేసి మరీ అతనికి చెప్పాలనిపిస్తోందీ
|| ఊరికే ||
చిత్రం : సింధూరం (1998)
సంగీతం : శ్రీనివాస చక్రవర్తి (శ్రీ)
రచన : సిరివెన్నెల సీతారామ శాస్త్రి
గానం : చిత్ర
No comments:
Post a Comment