నా సరి నీవని నీ గురి నేనని ఇపుడే తెలిసెనులే .... సి.ఐ.డి.(C. I. D.) (1965)

పల్లవి :
నా సరి నీవని నీ గురి నేనని ఇపుడే తెలిసెనులే
తెలిసినదేమో తలచినకొలదీ పులకలు కలిగెనులే
నీకూ నాకూ వ్రాసివున్నదని ఎపుడో తెలిసెనులే
తెలిసినదేమో తలచినకొలదీ కలవరమాయెనులే॥

చరణం : 1
నా హృదయమునే వీణజేసుకొని
ప్రేమను గానము చేతువనీ (2)
నా గానము నా చెవి సోకగనే నా మది నీదై పోవుననీ
నీకూ నాకూ వ్రాసి వున్నదని ఎపుడో తెలిసెనులే

చరణం : 2
నను నీ చెంతకు ఆకర్షించే గుణమే నీలో ఉన్నదనీ (2)
ఏ మాత్రము నీ అలికిడి ఐనా నా ఎద దడదడలాడుననీ
ఏ మాత్రము నీ అలికిడి ఐనా నా ఎద దడదడలాడుననీ
నా సరి నీవని నీ గురి నేనని ఇపుడే తెలిసెనులే
తెలిసినదేమో తలచిన కొలదీ కలవరమాయెనులే॥సరి॥


చిత్రం : సి.ఐ.డి.(C. I. D.) (1965)
సంగీతం : ఘంటసాల
రచన : పింగళి నాగేంద్రరావు
గానం : ఘంటసాల, పి.సుశీల
**********************************
Movie Name : C.I.D (1965)
Music Director : Ghantasala
Lyricist : Pingali Nagendra rao
Singers : Ghantasala, P.Susheela