వలపులోని చిలిపితనం ఇదేలే నీ చెలిమిలోని గట్టిచిక్కు అదేలే.... తోడూ-నీడ (1965)

పల్లవి :
వలపులోని చిలిపితనం ఇదేలే
నీ చెలిమిలోని గట్టిచిక్కు అదేలే
॥

చరణం : 1
కన్నులకి అల్లరి నేర్పినది ఎవ్వరు
మనసులోన జొరబడిన
మగసిరికల ధీరుడు
అంత ధీరుడీనాడు ఏమైనాడు (2)
నీ ఇంత గుండెలోన ఇమిడిపోయినాడు
(2)॥

చరణం : 2
తెలిసీ తెలియని మనసు
తెరిచినది ఎవ్వరు
లోనికి రాగానే మూసినది ఎవ్వరు
ఎవ్వరు...
తీయని కలలను తినిపించినదెవ్వరు
తీయని కలలను తినిపించినదెవ్వరు
తినిపించి చిటికెలోన ఓడించినదెవ్వరు
(2)॥

చరణం : 3
చలివేసే వేళలో వేడైనది ఎవ్వరు
వేడైన విరహంలో తోడైనదెవ్వరు
నాలోన ఉండి నాకు నీడైనది ఎవ్వరు
నాలోన ఉండి నాకు నీడైనది ఎవ్వరు
తోడునీడగా ఉండి దోచినది ఎవ్వరు
॥


చిత్రం : తోడూ-నీడ (1965)
సంగీతం : కె.వి.మహదేవన్
రచన : ఆచార్య ఆత్రేయ
గానం : పి.బి.శ్రీనివాస్, ఎస్.జానకి
********************************
Movie Name : Thodu Needa (1965)
Music Director : K.V.Mahadevan
Lyricist : Aacharya Aathreya
Singers : P.B.Srinivas, S.Janaki