అత్త ఒడి పువ్వువలె మెత్తనమ్మా ఆదమరచి హాయిగా ఆడుకోమ్మా... తోడూ-నీడ (1965)

పల్లవి :
అత్త ఒడి పువ్వువలె మెత్తనమ్మా
ఆదమరచి హాయిగా ఆడుకోమ్మా
॥
ఆడుకొని పాడుకొని అలసిపోతావా (2)
అలుపుతీర బజ్జోమ్మ అందాల బొమ్మ
॥

చరణం : 1
అమ్మలు కన్నుల్లో తమ్మిపూవుల్లు (2)
తమ్మిపూవులు పూయు తలిరు వెన్నెల్లు
తమ్మిపూవులు పూయు తలిరు వెన్నెల్లు
ఆ వెన్నెలను మూసెనే కన్నీటి జల్లు
వెన్నెలను మూసెనే కన్నీటి జల్లు
కన్నీరు రానీకు కరుగునెడదల్లు

చరణం : 2
కనిపించే దేవుళ్లు కమ్మని పాపల్లు (2)
కనిపించే తల్లికి కన్నుల జ్యోతుల్లు (2)
వేయాలి పాపాయి తప్పటడుగులు (2)
చేయాలి ఆపైన గొప్ప చేతలు
॥


చిత్రం : తోడూ-నీడ (1965)
సంగీతం : కె.వి.మహదేవన్
రచన : ఆచార్య ఆత్రేయ
గానం :  పి.సుశీల
********************************
Movie Name : Thodu Needa (1965)
Music Director : K.V.Mahadevan
Lyricist : Aacharya Aathreya
Singer :  P.Susheela